Hörmətli WordPress İstifadəçiləri!
Artıq xeyli müddətdir ki, WordPress-də tərcümə faylları ilə əlaqədar çox faydalı bir yenilik mövcuddur. Belə ki, mövzu və qoşmaların tərcümə edilmiş faylları birbaşa hər lokalizasiyanın öz səhifəsində mövcuddur. Yəni https://az.wordpress.org/themes/ və ya https://az.wordpress.org/plugins/ səhifələrindən qoşma və ya mövzu endirməklə bərabər onlara aid olan tərcümə fayllarını da endirə bilərsiniz. Bir çox tərcümə faylları onlara aid paketlərə inteqrasiya edilmişdir. İnteqrasiya edilməmiş tərcümə fayllarını da onlara aid tərcümə bölməsindən endirib qurduğunuz qoşmanın və ya mövzunun dil qovluğuna əlavə edə bilərsiniz. Bir çox faylların əvvəlində (məs: wp-plugins-contact-form-7-dev-az faylındakı wp-plugins- və dev- əlavəsi kimi) mövcud olan əlavələr dil faylının işləməməsinə səbəb olur. Bunun üçün də faylı redaktə etmək lazımdır. Yəni wp-plugins-contact-form-7-dev-az faylını bu cür redaktə etmək lazımdır: contact-form-7-az. Bəzilərində isə tire işarəsinə qədər olanları silərək sadəcə az olan hissəni saxlamaq lazım gəlir. Bu eyni ilə mövzulara da aiddir. Bir çox mövzu və qoşma yüz faiz, bir qismi isə müəyyən miqdarda tərcümə edilmişdir və tərcümələri davam etdirilir. Beləliklə, https://az.wordpress.org-dan qoşma və mövzu endirə və dil fayllarını da endirə bilərsiniz. Əlavə hər hansı bir problemlə qarşılaşsanız, bizə bildirin yardımçı olaq.